ANDAINA 2022 e CEA SOLIDARIA

Neste 2022 a asociación POR+VIDA volveu a retomar a celebración da Andaina despois
de 2 anos de pandemia para o sábado 18 de xuño en horario de tarde.
Celebrouse o 14º aniversario do comezo do Programa de educación física contra a fatiga oncolóxica no concello de Fene, que foi o inicio desta asociación. Por ese motivo quíxose facer unha edición moi especial.
O emprazamento foi como todos os anos anteriores na praza do Alcalde Ramón Souto González (xunto ao consistorio fenés) a partir das 17.30 horas que foi cando se comezaron a repartir os dorsais da xente participante e houbo un detalle/agasallo para quen se achegou a esta andaina (protector solar Ladival doazón de Stada). Despois de 18 a 19 horas fíxose a andaina, polas parroquias de Fene e Perlío para regrasar outra vez á praza. Na última parte leuse o manifesto dunha persoa enferma oncolóxica, este ano correu a cargo de Mónica Fernández Rodríguez (como enferma de cancro de mama no 2021 e secretaria desta asociación) como en todas as edicións, e rematouse cunha actuación musical sorpresa polo grupo Los Tabernícolas.
Este ano quíxose dar un toque diferente e haberá despois da andaina unha cea baile solidaria a partir das 22 horas no CMI Unidade de Fene. A música correu a cargo do dúo Humberto e Cuco.
O recadado foi a beneficio do Programa de atención socio-cultural infantil hospitalaria de ASANOG (Asociación de axuda a nenos oncolóxicos de Galicia) no CHUS (Complexo Hospitalario Universitario de Santiago). Estivo presente unha membro desta asociación Merce nesta xornada especial.
Fixéronse sorteos de varios premios tanto na cea baile solidaria como na andaina co mesmo fin, doados por diferentes negocios do concello de Fene e de Narón. Houbo máis de 120 persoas anotadas para a cea que foi unha churrascada.

CHARLA

Como convivir co cancro de próstata?

Ponente: Carme García Lorenzo

(Oncóloga médica no CHUF – Complexo Hospitalario Universitario de Ferrol)

Día: xoves 5 de maio de 2022

Hora: ás 17.30 horas

Lugar: Salón de actos da Casa da Cultura de Fene

O cancro de próstata é o de maior taxa na poboación masculiña. Segundo os datos

aportados por SEOM (Sociedade Española de Oncoloxía Médica)

o cancro de próstata ten para este ano 2022 unha estimación de 30.884 novos casos nos

homes. Dito aumento vai parello ao aumento poblacional e ao seu envellecemento,

exposición a factores de risco (como o tabaco, o alcohol, a contaminación, a obesidade, o

sedentarismo entre outros moitos) ,... e nalgúns casos como o colorrectal e os de mama,

cérvix ou próstata o aumento da detección precoz. De feito se os programas de detección

precoz son axeitados, primeiro conducen a un aumento do número de casos incidentes

(invasivos) pero posteriormente a unha diminución dos casos invasivos (maior diagnose

de carcinomas in situ) e tamén a unha reducción da mortalidade. Debido á combinación

destes factores, pódese dar o caso de que a pesar de que a exposición a factores de risco

non varíe ao longo do tempo, o número absoluto de casos aumente debido a outros

factores (aumento poblacional e envellecemento).

 Charla:

“Mediciña personalizada e de precisión: Unha revolución en Mediciña”

venres 28 de xaneiro ás 17.30 horas no salón de actos da Casa da Cultura de Fene

a cargo de Ángel Carracedo Álvarez

Catedrático de Mediciña Legal da Universidade de Santiago de Compostela (USC).
Director da Fundación Pública Galega de Mediciña Xenómica (SERGAS-Xunta de Galicia).

 

Camiño inglés do camiño de Santiago, iniciado o 29 de maio de 2021 dende o porto de Curuxeiras en Ferrol ata o Obradoiro e a catedral de Compostela. Foi realizado por etapas e rematado en agosto de 2021.

Por mor da pandemia do COVID-19 non se puido celebrar
a Andaina correspondente do ano 2020 e lanzamos dende as redes sociais
a andaina virtual, cada persoa que a fixera a título individual ou acompañado doutra persoa, ao non poder celebrarse do xeito tradicional.

 

Cea e baile solidario para o proxecto "RESPIRO DE VIDA" o 7 de marzo de 2019,
celebrado no restaurante Mundial de Perlío (Fene)

  Participación no Congreso de Gepac en novembro 2019 en Madrid.

  (23-11-2021)

 

Participación no mercadiño de Perlío-Fene o 22 de decembro de 2019

 POR+VIDA homenaxeou o venres 25 de outubro ás 18. 30 horas no salón de actos da Casa da Cultura
 á nosa socia de máis idade: Josefa Freire Díaz. 

Josefa foi sempre unha colaboradora moi activa nas nosas actividades e gañadora na 1ª e na recente 7ª edición  Carreira da Muller de A Coruña como participante de maior idade. Tamén quixemos agasallar a Paulina Romero ao ser tamén premiada nunhas das nosas participacións da Carreira na mesma categoría.

No acto tamén contamos coa actuación musical do grupo Los Primerizos.

Participación na 7ª edición da Carreira da Muller 
de A Coruña 2019

A nosa asociación ven de participar o 22 setembro, na cidade herculina na 7º edición da Carreira da Muller sendo tamén a nosa sétima participación.

Contamos coa colaboración do concello de Fene, como ven sendo dende os últimos seis anos con dous autobuses para o desprazamento para a carreira.

O percorrido  de 6,5 km saíu ao carón do estadio de Riazor ata pasar a Torre de Hércules e regresar ao sitio de comezo da carreira. Foi seguido dun festival de aerobic para deixar os trofeos ao final desta xornada.

Dicir que a nosa asociación, veterana en participación e nos premios tamén, non veu de balde pois recolle o primeiro premio á participante máis veterana (modalidade por riba dos 72 anos) Josefa Freire de 83 anos, veciña de Valdoviño que curiosamente xa gañara no ano 2013 na 1ª edición da carreira en A Coruña. E o segundo trofeo foi como segunda asociación con máis mulleres participantes.

Andaina 2019

Hoxe tivo lugar a nosa Andaina nº 10 que celebraba o 11º Aniversario do inicio no concello de Fene do programa pioneiro de Educación Física contra a Fatiga Oncolóxica.
Hoxe houbo varias sorpresas e agasallos para a xente que participou nesta xornada. Celebrouse  na praza Alcalde Ramón Souto (xunto a casa do concello de Fene) como en edicións anteriores.

O acto foi presentado polo xenial Dani Ríos, gran profesional, dando comezo coa recollida dos dorsais sobre as 10 horas e a saída tivo lugar pasadas as 10.30 horas da mañá. O roteiro era circular polas parroquias de Perlío e Fene, doada para todo tipo de asistentes. Logo da chegada deuse comezo aos xogos para nenas e nenos de 3 a 6 anos, neste caso este ano eliximos a xincana. 

Ao remate do tempo adicado aos máis pequenos pasamos a lectura do manifesto que foi lido por Olalla Sas Cruz, un exemplo de entereza, moi vencellada a nosa asociación, unha muller moi nova e valente.
Despois demos paso ao sorteos onde resultaron moitos dos presentes agraciados e rematamos co baile grupal final.

E este ano volvemos a donar todo o recadado a proxectos de investigación á Fundación Ramón Domínguez para o grupo IDIS de Xenética que traballa na Fundación Pública Galega de Medicina Xenómica para proxectos de investigación de mediciña xenética.

Rematouse sobre as 13 horas tal e como estaba programado.

Queremos dar as grazas por medio dos medios de comunicación a toda a xente que colabora con ista asociacón e outras para intentar apoiar a todas as persoas que pasaron e pasan por temas vencellados e enfermidade do cancro e a difundir información para mellorar a calidade de vida das personas enfermas e tamén dan apoio aos familiares.

 

 

Asistimos como asociación ao I Congreso de Persoas con Cancro organizado en Palexco en A Coruña o 26 de abril de 2019

 

Participación na Xuntanza de Palilleiras celebrada no pavillón de San Valentín - Fene o 27 de abril de 2019

 

Visita ao CHUS (Centro Hositalario Universitario de Santiago de Compostela)
da man prestixioso doutro e investigador Ángel Carracedo o 19 de xaneiro de 2019.

Por+Vida fixo 2 doazóns para investigación en mediciña xenómica.

 Participación no mercadiño en Perlío en decembro de 2018

 

 
Participación na Carreira organizada por Asotrame no concello de Narón o 23-09-2018

Participación na 6ª edición da 

Carreira da Muller en A Coruña o 16-09-2018

A Asociación Oncohematolóxica de Fene POR+VIDA ven de acadar 2 premios na 6ª Edición da Carreira da Muller celebrada na cidade de A Coruña.

POR+ VIDA leva participando seis veces, as mesmas edicións que se levan celebrando  na cidade herculina.

Engadir que son 5 anos de colaboración coa concellaría de Benestar Social e Igualdade de Fene, poñendo a disposición 2 autobuses dende Fene para as participantes desta asociación.

Este ano o percorrido foi o mesmo do ano pasado, con saída e chegada á meta aos pés do estadio de Riazor, na avda. Bos Aires, ata a altura da Torre de Hércules, de algo máis de 6 km.

O total de participantes con ista asociación foi de 151 mulleres, sendo a máis nova de 12 anos ata 82 da participante máis veterana (que levou premio no ano 2013 como a muller con mellor tempo de chegada con maior idade)

Os premios foron os seguintes:

- Primeiro premio como asociación con máis participantes que chegasen á meta (dentro do tempo establecido por reglamento da carreira).

- Terceiro premio como asociación con mellor tempo de chegada.

Charla da oncóloga Laura M. de Paz  o 31-05-2018

Celebrada no salón de actos da Casa da Cultura de Fene

Andaina o 17 de xuño de 2018 

para celebrar o 10º Aniverario do Comezo do Programa de Eduación Oncolóxica no concello de Fene a cargo de José Barcia Tuccelli. Dito programa segue a impartirse no pavillón de San Valentín.

E toda a xornada estivo amenizado polo bo facer de Dani Ríos e o seu equipo de LucusNeda Servizos.
Ao comezo do acto físoxe mención, nunha pequena homenaxe, as pioneiras deste programa en Fene, coa lectura dos nomes da xente que participou dun xeito activo tanto no programa de educación física como no inicio e organización da andaina e dalgunhas delas xa non podemos  gozar da súa boa compaña. Despois desta lectura o público asistente rompeu nun sonoro e emotivo aplauso.
 
O grupo principal desta asociación quixo dar unha sorpresa ao subir á pasarela que se atopaba na praza para bailar e dar grazas á vida e a forza diaria de superación da enfermidade, reivindicando a gran presenza feminina nestas loitas onde se bota de menos aos homes que nestas situacións non son tan visibles.
O recadado irá para os Proxectos de investigación de Medicina Xenética, é dicir, á Fundación Ramón Domínguez para o grupo IDIS de Xenética que traballa na Fundación Pública Galega de Medicina Xenómica. Non será a primeira vez que se doan cartos a este organismo pois tanto no ano 2017 e 2018 POR+VIDA deu dúas aportacións importantes, de 4000 € cada unha.

Tivemos como mestre de cerimonias ao xornalista da TVG, Alfonso Hermida, que participou na andaina e leu o manifesto deste ano.

Gala  para recadar cartos para a Biopsia Líquida

Colaboramos na Gala celebrada  sábado 14 de abril  para recadar cartos para a biopsia líquida (investigación para curar o cancro) que tivo lugar no CMI de Fene. Contouse coa axuda de Dani Ríos como mestre de cerimonias. 
Por+Vida apoiou esta iniciativa xurdida dun grupo de personas de Fene.

A CARREIRA DA MULLER na cidade de A CORUÑA O 17 SETEMBRO DE 2017

A Asociación Oncohematolóxica de Fene POR+VIDA acadou 2 premios na última edición desta carreira na cidade herculina.

POR+ VIDA leva participando cinco veces, as mesmas edicións que se levan celebrando  na cidade herculina.

Engadir que son 4 anos de colaboración coa concellaría de Benestar Social e Igualdade de Fene.

Este ano o percorrido foi o mesmo do ano pasado, con saída e chegada á meta aos pés do estadio de Riazor, na avda. Bos Aires, ata a altura da Torre de Hércules, duns 6 km aproximadamente, 

O total de participantes con ista asociación foi de 173 mulleres.

Os premios son os seguintes:

- Primeiro premio como asociación con máis participantes que chegasen á meta.

- Segundo premio como asociación con mellor tempo de chegada.

Repetimos o mesmo pálmares do ano pasado. Este colectivo sempre acadou premios nas edicións anteriores, onde tamén destacamos que en dúas edicións tamén tivemos o premio á participante con mellor tempo de chegada de máis idade. Este ano as idades das nosas participantes foron dende os 12 anos ata os 81 da máis vetererana (que levou na 1º edición do 2013 o premio xa comentado con anterioridade).